ການແຂ່ງຂັນ ຫຸ່ນຍົນ CMC Robotic Competition 2024 ພາຍໃຕ້ຫົວຂໍ້ “ວິກິດໄຟປ່າ” ເປັນອີກໜຶ່ງໃນກິດຈະກຳປິ່ນອ້ອມໃນງານ ສັບປະດາດິຈິຕອນລາວ 2024 (Lao Digital Week) ໃນວັນທີ 14 ມັງກອນ 2024, ທີ່ ຫໍປະຊຸມແຫ່ງຊາດ ຫຼັກ 6, ນະຄອນຫຼວງວຽງຈັນ ຈັດໂດຍ ອະນຸກຳມະການຈັດການແຂ່ງຂັນ ແລະ ເວທີທຸລະກິດສະຕາດອັບ, ກະຊວງເຕັກໂນໂລຊີ ແລະ ການສື່ສານ ແລະ ກຸ່ມນັກປະດິດຈຳປາ (Champa Maker Club) ຊຶ່ງມີທີມເຂົ້າຮ່ວມການແຂ່ງຂັນທັງໝົດ 8 ທິມ.

ຈຸດປະສົງຂອງການຈັດການແຂ່ງຂັນດັ່ງກ່າວ ແມ່ນເພື່ອເປັນການສົ່ງເສີມກິດຈະກຳກ່ຽວກັບເຕັກໂນໂລຊີ ໃຫ້ແກ່ບັນດານ້ອງນັກຮຽນມັດທະຍົມໄດ້ເຂົ້າຮ່ວມ ແລະ ຮຽນຮູ້ປະສົບການໃນການແຂ່ງຂັນ, ຊຶ່ງການແຂ່ງຂັນໃນຮອບສຸດທ້າຍນີ້ ແມ່ນໄດ້ນຳສະເໜີເຕັກໂນໂລຊີ STEM (Science, Technology, Engineering and Mathematics) ໂດຍຜ່ານຫຸ່ນຍົນ (Robotic) ແນໃສ່ໃຫ້ບັນດາທີມເຂົ້າຮ່ວມແຂ່ງຂັນໄດ້ຮັບຄວາມຮູ້, ຮຽນຮູ້ການແກ້ໄຂບັນຫາ, ຮຽນຮູ້ການເຮັດວຽກເປັນທີມ, ເສີມສ້າງຄວາມສາມັກຄີ, ມີປະສົບການໃນການປະດິດ ແລະ ຄວາມມ່ວນຊື່ນ. ພ້ອມດຽວກັນນີ້, ກໍຍັງເປັນເວທີສະແດງຄວາມສາມາດ ແລະ ຄວາມຄິດສ້າງສັນຂອງໄວໜຸ່ມ ໃນການພັດທະນາ ນະວັດຕະກຳທີ່ທັນສະໄໝ ແລະ ສ້າງສາຍພົວພັນຮ່ວມມືກັນລະຫວ່າງນັກປະດິດຄິດຄົ້ນໃຫ້ກ້າວໄປສູ່ການປະກອບສ່ວນໃນການຊ່ວຍພັດທະນາປະເທດຊາດໃນຕໍ່ໜ້າ.

ສຳລັບຜົນການແຂ່ງຂັນ ທີມຊະນະເລີດ ແມ່ນ ທີມ Tech Z2, ຮອງຊະນະເລີດ ອັນດັບ 01 ແມ່ນທີມ Warrior Robot ແລະ ຮອງຊະນະເລີດ ອັນດັບ 02 ແມ່ນທີມ Leelonglang.

ຂໍ້ມູນເພີ່ມຕື່ມ

ເວັບໄຊທ໌: https://www.digitalweek.gov.la
ເພຈເຟສບຸກ: https://www.facebook.com/Laodigitalweek
ຢູທູບ: https://www.youtube.com/@laodigitalweek
ຕິກຕອກ: https://tiktok.com/@laodigitalweek
ອີເມລ: laodigitalweek@mtc.gov.la
ໂທລະສັບ: 020 9964 5656 / 020 2205 5955

© 2024 ສັບປະດາດິຈິຕອນລາວ. ສະຫງວນລິຂະສິດ.